Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pjesëtarët e Njësitit Special Intervenues të Kosovës, kanë protestuar para ndërtesës së Qeverisë në Prishtinë. Protestës iu ka bashkuar edhe Sindikata e Policisë së Kosovës. Protestuesit në mesin e 14 kërkesave insistojnë që rrezikshmëria të jetë 25-50 % e pagës bazë të policëve. U kërkua përfshirja e njësive të caktuara në shtesën për kushte të tregut të punës, e po ashtu pensionimi të bëhet në moshën 55-vjeçare. Përmirësimi i kushteve të punë në përgjithësi, siç janë, veshmbathjet, mjetet e punës, mjetet logjistike, objektet policore duke pasur parasysh se disa objekte policore dhe automjete, si dhe pajisje tjera të domosdoshme për kryerjen e detyrave zyrtare, nuk i plotësojnë kushtet minimale për punë. Pastaj kërkohet që rrezikshmëria për zyrtarët policorë të jetë permanente dhe mos të varet vetëm nga një vend apo lokacion i caktuar, si dhe kërkojmë që shtesa për rrezikshmëri në punë të jetë nga 25 deri në 50% e pagës bazë dhe të formohet një komision që do të bëjë rivlerësimin e nivelit dhe kategorizimin e shtesave për rrezikshmëri. Përfshirja e njësive të caktuara në shtesën për kushte të tregut të punës, ligji për pensionim në moshën 55-vjeçare, e njëjtë me ligjin e FSK-së. Sigurimi jetësor dhe rritjen e fondit në buxhetin e policisë për shërbimet shëndetësore me qëllim të mbulimit të shpenzimeve për barna dhe shërbime tjera. (Lajmi. net)
