Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kroacisë, Andrej Plenkoviç, ka deklaruar se në samitin e Zagrebit, i cili do të mbahet në maj, kemi ambicien dhe qëllimin e qartë për hapjen e negociatave me Shqipërinë dhe Maqedoninë e Veriut dhe do të jemi këmbëngulës për këtë. Ai ka shtuar më tutje se nga samiti BE-Ballkani Perëndimor në Zagreb majin e ardhshëm ka dëshirë të japë dy porosi të rëndësishme, e para që në të gjitha samitet takimet të bëhen në mënyrë sistematike dhe e dyta që të bëhet gjithçka që është në metodologjinë për aderim në Union, pasi kjo shërben si nxitje më e madhe për vendet kandidate. Kroacia mori presidencën e radhës të Këshillit të Bashkimit Europian nga Finlanda më një janar. Fillimi i presidencës kroate do të bëhet zyrtarisht më 9 janar, kur anëtarët e Komisionit Evropian do të shkojnë në Zagreb dhe kur një koncert me atë rast do të mbahet në Teatrin Kombëtar Kroat.
