Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje njofton se në ora 11:00 në pikën doganore të Morinës, Policia e Kosovës ka arrestuar protestuesit që po vinin nga Tirana për të marrë pjesë në protestën e sotme, në Prishtinë. Në fillim policia ka kontrolluar autobusin, ku kanë gjetur parullat protestuese, ndërkaq, më pas i kanë shoqëruar tre vetë nga pjesëmarrësit në zyrën e policisë. Protestuesit e tjerë janë kthyer me gjithë autobus në territorin e Republikës së Shqipërisë, dhe nuk iu është lejuar hyrja. Më pas Policia e Kosovës ka lëshuar një dokument në të cilin e ka shpallur person të rrezikshëm Bashkim Rodonin, dhe ia kanë ndaluar hyrjen në Kosovë. Bashkim Rodoni është artist, regjisor e muzikant. Ndërsa, një tjetër pjesëmarrës, Gent Hmzain e kanë arrestuar dhe kanë njoftuar se do ta çojnë në paraburgim në Prizren. Gent Amzai, nga Struga, është student i filozofisë në Tiranë. Të tjerëve ende nuk i kanë dhënë asnjë përgjigje se pse po i ndalojnë. Ky veprim i Policisë së Kosovës është i turpshëm, dhe synon vazhdimin e politikës famëkeqe të distancimit të Kosovës prej Shqipërisë”, thuhet në njoftimin e Vetëvendosjes. Ndërkohë nga terreni arrijnë informacione se Policia e Kosovës po ndalon autobusët që janë nisur me protestues nga qytete të ndryshme të Kosovës dhe po i kontrollon qytetarët se mos posedojnë gjëra të dyshimta.
