Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia e Kosovës ka konfirmuar arrestimin e dy policëve serbë të veriut, të dyshuar për manipulim të provave. Arrestimi i tyre është bërë nga Inspektoriati Policor i Kosovës, që merret me shkeljet dhe hetimin e kryer brenda radhëve të policisë. Sipas raportimeve syrtare, dyshohet se dy policët e arrestuar, pjesë e stacionit policor të Veriut kanë manipuluar provat në rastin e vrasjes së politikanit serb, Oliver Ivanoviq. Tani për tani nuk janë dhënë më shumë detaje në lidhje me identitetin e dy policëve dhe as për provat, që dyshohet se ata i kanë manipuluar. Arrestimi ndodhi një ditë pas publikimit të lajmit në mediet serbe, ku thuhej se Kosova kishte informuar Serbinë me dosjen hetimore të vrasjes së politikanit serb, Oliver Ivanoviq i dënuar me burg për krime lufte kundër popullatës shqiptare, në Mitrovicë e më gjerë gjatë dhe pas luftës, në Kosovë, por pas shumë vitesh me një porces të manipuluar gjyqësor-politik ishte shpallur i pafajshëm.
