Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në mesazhin e tij, Presidenti i Shqipërisë Bajram Begaj ka përgëzuar qytetarët e Kosovës për pjekurinë e treguar gjatë një procesi zgjedhor të qetë, të rregullt dhe demokratik, duke vlerësuar se ai dëshmoi edhe një herë forcën e institucioneve dhe kulturës demokratike të vendit. Presidenti shqiptar ka theksuar rëndësinë e angazhimit të të gjitha forcave politike me përgjegjësi dhe frymë konstruktive për të siguruar dialogun dhe kompromisin institucional, në funksion të stabilitetit dhe zhvillimit të mëtejshëm të Kosovës. “Është me rëndësi që të gjitha forcat politike të angazhohen me përgjegjësi dhe frymë konstruktive për të garantuar dialogun dhe kompromisin institucional, në funksion të stabilitetit, zhvillimit të mëtejshëm të vendit dhe përmbushjes së aspiratave të qytetarëve të Kosovës. Shqipëria do të vijojë të mbështesë Kosovën në çdo hap të rrugëtimit të saj euroatlantik dhe evropian”, ka shkruar Begaj në Facebook.
