Prishtina përtej, me ambicie me vizion me partnerë global

23/09/2026 Institucionet

Kryetari i komunës së Prishtinë Përparim Rama ka njoftuar përmes një postimi në rrjetet sociale se me 23 dhe 24 shtator do të jet në Nju Jork për të marrë pjesë  në samitin “Financimi i së Ardhmes”, përkrah liderëve botëror.

Më 23–24 shtator do të jem në Nju-Jork, në Origination Finance Studio North America, përkrah liderëve dhe mendimtarëve botërorë, për të diskutuar “Financimin e së Ardhmes”.

Do ta sjell zërin e Prishtinës: një kryeqytet i ri, plot energji e talent, me ambicie të qartë për ta kthyer potencialin në mundësi konkrete për qytetarët, ka shkruar Rama.

Çdo diskutim për të ardhmen lidhet me jetën e njerëzve: hapësira publike që na bashkojnë, mundësi që i mbajnë të rinjtë këtu dhe investime që ndërtojnë mirëqenie për brezat që vijnë. Kjo është ambicia që do ta ndaj me partnerët tanë në Nju-Jork.

I nderuar t’u bashkohem Ajay Banga, Michael Douglas, laureatëve të Çmimit Nobel, Hans Vestberg dhe personaliteteve nga biznesi, financat, shkenca, kultura e udhëheqja publike.

Faleminderit Origination, Osvald Bjelland, Minh Huy Tran dhe Jakob Kiefer për bashkimin e njerëzve, ideve dhe vullnetit për ta kthyer shpresën në veprim.

Prishtina ka çka t’i japë kësaj bisede. Dhe ka ambicie për të shkuar përtej, thuhet në postimin e kryetarit Përparim Rama.

Kontrolloni gjithashtu

DELEGACIONI I KOMUNËS SË VITISË VIZITOI SPITALET PUBLIKE NË SAINT-JULIEN-EN-GENEVOIS DHE ANNECY

Kryetari i Komunës së Vitisë, z. Sokol Haliti, së bashku me drejtoreshën e Qendrës Kryesore …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara