Airport Adem Jashari
kek
MIT
Fillimi / Lajmet / Promovohet libri “Fëmijët martirë të Kosovës 1981 – 1999″, i autorëve Nusret Pllana dhe Hanëmshahe Ilazi
Promovohet libri “Fëmijët martirë të Kosovës 1981 – 1999″, i autorëve Nusret Pllana dhe Hanëmshahe Ilazi

Promovohet libri “Fëmijët martirë të Kosovës 1981 – 1999″, i autorëve Nusret Pllana dhe Hanëmshahe Ilazi

Sot në Bibliotekën Kombëtare “Pjetër Bogdani” në Prishtinë u promovua libri “Fëmijët martirë të Kosovës 1981 – 1999″, të autorëve Nusret Pllana dhe Hanëmshahe Ilazi. Ky libër u kushtohet më shumë se 1.400 fëmijëve martirë të Kosovës, të vrarë e të masakruar nga Serbia fashiste në periudhën e viteve 1981 – 1999.

Në fjalën e tij bashkautori i këtij libri Nusret Pllana ndër të tjera tha se vrasja dhe masakrimi i fëmijëve të Kosovës nuk ka ndodhur në mesjetë por ka ndodhë në fund të shekullit XX ka ndodhë në Kosovë nga regjimi i Millosheviqit. Por ata fëmijë i kemi vrarë edhe ne, i kanë vrarë institucionet tona me heshtjen e tyre 20 vjeçare për këto krime. Evropa nxjerri Gjykata Speciale për ta njollosur luftën tonë çlirimtare por as edhe një rezolutë të vetme nuk e ka bërë për vrasjen e fëmijë shqiptarë, për dhunimet dhe gjenocidin  e kryer nga Serbia në Kosovë. Kjo vepër e ka një veçantë karakteristike me emrat e bukur e shqip që kishin këta fëmijë të vrarë nga okupatori serb.

Emin Kabashi redaktor i librit potencoi se kujtesa e jonë kishte dhe ka aq shumë defekte si pasojë e pushtimit me qëllim të nëpërkëmbjes e identitetit kombëtar shqiptar. Veprën Nusret Pllanës dhe Hanëmshahe Ilazit nuk e bënë institucionet shtetërore në mënyrë që mësuesit ta mbanin se paku një orë mësimi para nxënësve për vrasjen e bashkëmoshatarëve të tyre. Kjo vepër është shumë e veçantë që duhet ta kuptojë bota se kush ishte viktima këtu, ndonëse sot Kosova po përballet më Gjykatën Speciale e raporte të Dik Martit. Por vrasja e këtyre fëmijëve duhet të shpërbejë si reflektim në kujtesën tonë historike.

Don Lush Gjergji tha se gjatë leximit të dorëshkrimit të këtij libri më janë terruar sytë e më është tronditur zemra nga emocionet. Aq sa po më duket se po i shoh fytyrat e tyre, më duket se po i dëgjoj zërat e tyre të pafajshëm. Duhet që një ditë në vit t’ua kushtojmë fëmijëve martirë dhe t’i kujtomë ata. Vrasja e fëmijëve tanë të pafajshëm i ngjanë historisë biblike, ata u vranë vetëm pse ishin gjallë dhe pse ishin shqiptarë, ata janë pasqyra më e mirë e çmimit të lirisë dhe pavarësisë. Çka i duhet botës që ta kuptojë të vertëtën e asaj, se çka ka ndodhur këtu? Kjo pyetje kurrë nuk duhet të mungojë në mendjen dhe zemrat tona.

Sabile Keçmezi – Basha recensente e librit theksoi se për fëmijët është shkruar dhe do të shkruhet përherë. Por libri “Fëmijët martirë të Kosovës 1981 – 1999″ sjell diçka tjetër nga e zakonshmja. Ky libër sjell përmasën e tragjedisë tonë kombëtare. Kjo vepër sjell fakto-grafi të bollshme për fëmijët e vrarë nëpër Kosovën tonë martire nga viti 1981 – 1999. Po si quhen ndryshe ata që vrasin fëmijë pos kriminel. Autorët e librit e kanë sjell vetëm një pjesë të asaj çfarë krimesh kanë bërë serbët në Kosovë. Ky libër në të njëjtën kohë të bënë të revoltohesh dhe të mos i harrosh kurrë ata që i vranë fëmijët tanë.

Humanisti dhe mjeku i luftës Faik Bllata e përgëzoi prof, Nusret Pllana për punën që ka bërë dhe po bënë për ndriçimin krimeve dhe dokumentimin e tyre. Ai e ndau më të pranishmit një moment të 4 janarit 1999 në kohën kur ai kuronte një të plagosur lufte është dëgjuar i radios Kosova e Lirë, ju flet KOSOVA E LIRË… dhe që i ka bërë të qajnë nga gëzimi të gjithë. Ai në mes emocioneve dhe lotëve në sy rrëfeu momente nga kurimi dhe vdekja e fëmijëve tanë në luftë.

Hanëmshahe Ilazi bashkautore, potencoi se gjaku i fëmijëve nuk duhet të falët kurrë. Ky libër i dedikohet lutjeve të fëmijëve disa edhe të pagëzuar ku masakrohet nëna shtatzënë.

Promovohet libri “Fëmijët martirë të Kosovës 1981 – 1999″, i autorëve Nusret Pllana dhe Hanëmshahe Ilazi

 

Kontrolloni gjithashtu

Haxhiu:Ministria e Infrastrukturës dhe Ministria e Punëve të Jashtme nuk janë përgjigjur për zbatimin e ligjit

Deputetja e VV-së, Albulena Haxhiu porositë LDK-së të mos barrikadohen pas kërkesës për postin e presidentit

Pas mbledhjes së kryesisë Lëvizjes Vetëvendosje, deputetja nga radhët e saj, Albulena Haxhiu ka porositur ...