Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Agjencia e Lajmeve Kosovapress bëri të ditur se Puna në ndërtimin e murit-ndarës në veri të Mitrovicës është ndërprerë përkohësisht por muri i ngritur në pjesën veriore andej lumit Ibër nuk do të rrëzohet. Për ta verifikuar saktë nëse muri është ndërtuar pa leje ose jo Ministria e Mjedisit sot ka sjellë edhe punëtorët e Kadastrit, por që pas matjes është konstatuar se ky mur është ndërtuar në bazë të parametrave të paraparë. Kryetari i komunës së Mitrovicës në veri, Goran Rakiq, ka thënë se ky nuk është mur por një rezistencë që do të shërbejë për nivelizimin e zonës për këmbësorë në kuadër të sheshit, ndërsa bëri të ditur se në këtë vend do të ndërtohet një amfiteatër veror. Ai shtoi se një marrëveshje në lidhje me këtë është arritur dje gjatë takimit mes dy palëve dhe përmes ndërmjetësimit evropian. Ndërkohë punët janë ndalur përkohësisht deri në një vendim tjetër që pritet nga përfaqësues të BE-së në Kosovë.
