Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Punëdhënësit kanë shfaqur shqetësimin e tyre pas paralajmërimeve për shtimin e masave të reja dhe zbatimin e tyre rigoroz për shkak të rritjes së rasteve me virusin covid-19. Ata kanë thënë se mbyllja totale e punishteve është veprim i gabueshëm dhe me pasoja të mëdha për ekonominë e vendit. Kryetari i Aleancës Kosovare të Bizneseve, Agim Shahini gjatë intervistës për “Ekonomia Online” ka thënë se mbyllja totale e bizneseve është hap i gabueshëm, pasi sipas tij, njerëzit duhet të punojnë, por njëkohësisht edhe të mësohen të jetojnë me virusin. Ai ka shtuar më tutje se vendimi i Qeverisë për të ndihmuar me mjete bizneset është shumë i mirëseardhur por se pakoja me vlerë 60 milion euro nuk mjafton por presin që pas këtij hapi të parë të bëhen edhe hapa tjerë për të ndihmuar bizneset në mënyra të ndryshme.
