Në kuadër të angazhimeve për zhvillimin e turizmit të qëndrueshëm, Drejtori për Zhvillim Ekonomik në komunën e Deçanit, z. Isuf Demhasaj, së bashku me stafin e drejtorisë, mori pjesë në punëtorinë e organizuar nga Agjencia Japoneze për Bashkëpunim Ndërkombëtar (JICA), në bashkëpunim me Ministrinë e Industrisë, Ndërmarrësisë dhe Tregtisë.
Gjatë kësaj punëtorie u prezantuan rezultatet fillestare të vlerësimit të destinacioneve turistike për Prizrenin dhe Deçanin, të realizuara sipas standardeve ndërkombëtare të Këshillit Global i Turizmit të Qëndrueshëm – Global Sustainable Tourism Council (GSTC).
Diskutimet u përqendruan në menaxhimin e destinacionit, forcimin e bashkëpunimit ndërinstitucional dhe me sektorin privat, si dhe në zbatimin e masave konkrete për zhvillim të qëndrueshëm të turizmit.
Për Komunën e Deçanit, ky proces përbën një instrument të rëndësishëm për orientimin strategjik të zhvillimit të turizmit, me synim përmirësimin e organizimit të sektorit, rritjen e cilësisë së ofertës dhe forcimin e konkurrueshmërisë në nivel ndërkombëtar.
Drejtoria për Zhvillim Ekonomik do të vazhdojë angazhimin me hapa konkretë, në përputhje me rekomandimet e dala nga ky vlerësim.
Deçani ka potencial – menaxhimi profesional dhe i qëndrueshëm mbetet çelësi për zhvillimin e tij.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
