MIT KS
Fillimi / Lajmet / PZAP sot i bën të ditura vendimet në lidhje me ankesat e partive politike për zgjedhjet nacionale të 6 tetorit
Kryetari i vendit, Hashim Thaçi e shpall datën 15 mars 2020 ditë të zgjedhjeve për kryetar të Besianës

PZAP sot i bën të ditura vendimet në lidhje me ankesat e partive politike për zgjedhjet nacionale të 6 tetorit

Paneli Zgjedhor për Ankesa dhe Parashtresa pritet gjatë ditës së sotme t’i bëjë të ditura vendimet në lidhje me ankesat e partive politike për zgjedhjet nacionale të 6 tetorit, përfshirë edhe atë të Nismës Socialdemokrate për të mos pranuar pakot e ardhura nga Serbia. Komisioni Qendror i Zgjedhjeve ka bërë të ditur rezultatet përfundimtare të enjten e kaluar, pas së cilës partitë politike kanë pasur 24 orë afat, përkatësisht deri të premten, që t’i dorëzojnë ankesat e tyre në PZAP. Paneli Zgjedhor ka pasur kohë 72 orë që t’u japë përgjigje palëve të ankuara, afat ky që përfundon gjatë ditës së sotme. Ky institucion bëri të ditur se deri në ora 10.50 të datës 8 nëntor, ka pranuar 100 ankesa nga subjektet politike dhe kandidatë të ndryshëm për deputetë, prej të cilave më së shumti ka pasur nga partia e Sllobodan Petroviqit, SLS, me 42, pasuar nga LDK me 23, PDK 12, NISMA-AKR-PD 6, Lëvizja Vetëvendosje 5 ankesa dhe 9 ankesa nga partitë minoritare.  Pas kësaj procedure, ankesë mund të paraqitet edhe në Gjykatë Kushtetuese, së cilës koalicioni NISMA-AKR-PD, ka paralajmëruar se do t’i drejtohet për shkak të pakove të votimit nga Serbia.

 

Kontrolloni gjithashtu

Veliu: Të gjithë policët të kompensohen dhe stimulohen për punën dhe angazhimin e tyre gjatë kësaj periudhe

Veliu: Të gjithë policët të kompensohen dhe stimulohen për punën dhe angazhimin e tyre gjatë kësaj periudhe

Ministri i Punëve të Brendshme dhe Administratës Publike, Agim Veliu ka theksuar përkrahjen e fuqishme ...