Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Auditorët e shtetit kanë konstatuar se Qeveria e Kosovës ka paguar mbi një milion euro në vit për punonjësit serb edhe pse ata nuk kanë punuar fare. Në Raport thuhet: Me rastin e testimit të pagave, respektivisht vijueshmërisë në punë të të punësuarve, është identifikuar se 211 punonjës të sistemuar në shtatë ministri, janë paguar gjatë tërë vitit në një shumë totale prej 1 milion e 14 mijë euro, pa vijuar fare në punë’’. Fjala është për stafin që dikur ishte pjesë e “Mbrojtjes Civile”, një strukturë paralele serbe në Kosovë, që ishte shpërndarë nëpër ministri si rezultat i Marrëveshjes së Brukselit të vitit 2016, në mes Kosovës dhe Serbisë, por që futja e tyre në listën e pagave ishte bërë para se të krijoheshin kushtet normale për punë. “Ky problem është i pranishëm për vite me radhë dhe ne kemi dhënë rekomandime për këtë çështje, por i njëjti nuk është adresuar as në vitin 2020. Çështja ka mbetur e pa zgjidhur dhe po përcillet nga viti në vit” thuhet në Raportin e auditimit. Për këto pagesa pa punuar fare ka folur edhe zëvendëskryeministri, Besnik Bislimi, pas një takimi në Bruksel, gjatë muajit korrik dhe në prani të palës serbe.
