Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria Kurti dhe Vetëvendosja akuzojnë Serbinë për dështim të dialogut në Bruksel. Deputeti Adnan Rrustemi thekson se Kosova është në pozicion të qartë dhe konstruktiv, duke mbështetur qëndrimin se valuta e vetme në treg duhet të jetë euroja. Deputeti Adnan Rrustemi deklaron se, qëndrimi i institucioneve të Kosovës është i qartë në jemi konstruktiv në këtë proces, por nuk po diskutohet e dialogohet për rregullore të BQK-së as çështja e dinarit. Po diskutohen modalitetet për t’u mundësuar financimi. Thjesht po shihen modalitetet, por është pala serbe që nuk është as e interesuar as konstruktive, madje po e refuzon edhe propozimin e Lajçakut. Partitë opozitare kritikojnë vendimin e qeverisë lidhur me dialogun për dinarin. Deputeti i PDK-së, Rashti Qalaj, nuk shpreh optimizëm për zgjidhjen e shpejtë të kësaj çështjeje. Ai thotë se çështja e dërgimit të dinarit në Bruksel është e gabuar, është bërë temë e cila nuk do të zgjidhet në një të ardhme të afërt. Do të ketë bisedime dhe kjo do të ketë lidhje të ngushtë me çështjen e asociacionit.
