Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka reaguar pas publikimit të raportit të Departamentit Amerikan të Shtetit për Kosovën, ku vihet në dukje korrupsioni qeveritar. Ai ka thënë se ky raport demistifikon kursin e mashtrimit të qeverisë Kurti. Vetëmashtrimi i qeverisë duke krijuar tituj bombastikë për fitoret e paqena kundër Serbisë e në raste të caktuara edhe kundër komunitetit ndërkombëtar, janë gënjeshtrat të cilave Qeveria ka filluar t’ju besojë edhe vetë. Raporti i Departmentit Amerikan të Shtetit për Kosovën është goditja më e fuqishme që demistifikon këtë kurs të mashtrimit. Nuk besoj që ka qytetar të këtij vendi që sot nuk është i shqetësuar me gjetjet e këtij raporti në fushën e sundimit të ligjit, luftën kundër korrupsionit, lirinë e shprehjes, lirisë së mediave si dhe të drejtave të njeriut e plot fusha të tjera. Haradinaj ka thënë se në një situatë normale, ky raport do duhej t’i shërbente qeverisë për vetë-reflektim, që nënkupton dorëheqjen e saj, ka shkruar Haradinaj.
