Sot, Kuvendi i Komunës së Malishevës, në fillim të mbledhjes së saj, me rastin e vdekjes së simbolit të rezistencës shqiptare Adem Demaçi, ka mbajtur një minutë heshtje. Me këtë rast, kryetari i Komunës së Malishevës, Ragip Begaj, tha se “Adem Demaçi, lindi, jetoi, veproi dhe vdiq i madh. Ai është simboli i rezistencës dhe nuk u dorëzua asnjëherë gjatë tërë jetës së tij. Vepra e Adem Demaçit, është mësim për të gjithë ne. Në emër të Komunës së Malishevës, ju shprehi ngushëllime familjes, miqve dhe mbarë popullit shqiptar”. Ndërsa kryesuesi i KK të Malishevës, Rrahim Morina, duke folur për veprimtarinë e Adem Demaçit, tha se “ Demaçi është ikonë e përpjekjeve të vazhdueshme të popullit shqiptar. Për sakrificën e tij, u nderua me shumë çmime, ndërsa ne të gjallët, duhet të përulemi para veprës së Adem Demaçit”.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …