KEK
Fillimi / Institucionet / Rahoveci i nderoi familjet që i dhanë shumë kombit tonë

Rahoveci i nderoi familjet që i dhanë shumë kombit tonë

Kryetari i komunës së Rahovecit Smajl Latifi, së bashku me bashkëpunëtorë, veteranë të UÇK-së dhe me shumë qytetarë kanë bërë zbulimin e pllakave përkujtimore për nder të 28 nëntorit, Ditës së Flamurit kombëtar e të Pavarësisë, ditëlindjen e UÇK-së dhe të komandantit Adem Jashari.

Zbulimi i pllakave përkujtimore është bërë në këto fshatra:

 – Në Senoc shtëpia (Halil Hamëz Krasniqi), e cila dikur shërbente si ambulantë e UÇK-së,

– Polluzhë shtëpia e (Ibrahim Morinës), që ka qenë bazë logjistike e UÇK-së,

– Polluzhë- shtëpia e dëshmorit të Kombit (Shani Hotit) që shërbente si ambulantë e UÇK-së,

– Çifllak- shtëpia e (Agim Thaçit)- bazë e luftës së UÇK-së,

– Çifllak – shtëpia e (Jahë Sali Kabashit)- Mulliri që ka qenë bazë logjistike e UÇK-së,

– Ratkoc- shtëpia e (Qamil Adem Krasniqit)- bazë ilegale e LKÇK-së dhe bazë e UÇK-së,

– Ratkoc – shtëpia e (Malush Rasim Latifit)- dikur bazë ilegale e LKÇK-së dhe bazë e UÇK-së.

Kryetari Latifi ka thënë se, nderuam dhe përkujtuam sakrificën e atyre që dhanë jetën për liri, duke zbuluar pllakat që i përkujtojnë rolin dhe kontributin e madh të familjeve që shtëpitë e tyre dhe gjithçka patën i vunë në shërbim të luftës për liri e të Ushtrisë Çlirimtare të Kosovës. Këto përkujtimore do të shërbejnë si dëshmi të përjetshme të historisë sonë më të re.

Përjetësisht do të jetojë 28 Nëntori!

Lavdi të rënëve ndër breza për lirinë e atdheut!

Kontrolloni gjithashtu

KEK dhe FIEK zotohen për thellimin e bashkëpunimit

Në frymën e zhvillimit të një edukimi universitar sa më të afërt me industrinë, u.d. ...