kek
MIT
valamobile
mbpzhr grante
Airport Adem Jashari
Fillimi / Kultura / Rajmonda Maleçka: Këngë me dhembje është loti i nënës
Rajmonda Maleçka: Këngë me dhembje është loti i nënës

Rajmonda Maleçka: Këngë me dhembje është loti i nënës

(Kushtuar Shkëlzen Hilmi Haradinajt)

 

Kangë dhimbje është loti i nanës

që kraharorin kaq kohë ia lag,

Ah, sikur dhe njëherë i biri i saj të vijë,

S’ndalet monolog i nanës nga mëngjesi në mbrëmje,

E i mat ditët e pritjes me kujtimet e të birit fëmijë.

 

Dhe një ditë nuk ndal mall e dhimbje e saj,

Jetë e të birit rrjedh nëpër mallëngjimin e heshtur,

I shkon anë e m’anë shtëpis së vjetër,

E vazhdon dhimbja “rrugën” në rroba zie veshur.

 

Kangë vajtimi asht’ dhimbja e motrës për vëllanë,

Në pritjen e tij të pamundur asht’ bà qyqe,

“Ku, ku”, si zogu i dhimbjes nëpër bjeshkë e shkretina,

Dhe motra e luftëtarit kështu, s’mund të qe ndryshe.

 

E n’shtrat rinorë me petka dasme e gëzimi

i kujtohet trimi,

Rritë në dhe të huaj a nën sytë e hasmit të zi,

Ah, sikur të ishte sot, këtu para meje e nanës,

Veç i gëzuem do të ishte për ne dhe vetëm ai.

 

E asht baladë djali e vllau për motrën,

N’gjokset e shtrenjta i shtrëngon mungesa

e vllaut, e djalit,

Merreni këtë këngë e vereni në gojën e rapsodit,

 

Ta këndojë në odë, në dasëm, në mort,

në fushë, a në vetminë e malit.

 

Trazohet za i vjetër i burrnisë shqiptare anës oxhakut,

Konak, po konak ka pas përherë dera e shqiptarëve,

Dhe pse dhimbja për djalin lëmsh në grykë i rrin babait,

 

Një rrudhë tjetër në ballë ia ka msye

si shenjë e të vrarëve.

E nga thellinat e derës së shpisë e kah moti,

Fillojnë e vijnë të rënët, burrat, trimat

e martirët me radhë,

S’ka dert pse oda e madhe mbushet me

bjeshkë e ujëra lumejsh,

Kuvend ka për të gjithë sido me ardhë.

 

E pra, erdhën të vjetër e të ri, kur deshën nana, motra e babai,

Lot në sytë e nanës, kangë vajtimi motra, e rrudhë të re babai,

Mos thoni se nuk erdha, unë në ju jam,

Dhe pse ndoshta ndonjë ditë mungon vëllai.

Kontrolloni gjithashtu

Nesër në Klinë fillon festivali “I këndojmë lirisë”

Nesër në Klinë fillon festivali folklorik mbarëkombëtar “I këndojmë lirisë”, që mbahet më 6, 7 ...