Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sali Berisha tanimë është vetëshpallur kryetar i PD-së. Kështu e quan atë edhe suita foltoriste që e ndjek pas. Por në fakt Berisha nga një “non grata” i përjashtuar nga PD, arriti të bëhet “gjeneral “ i saj nëpërmjet foltoreve dhe zgjedhjeve të manipuluara që organizoi në gjithë vendin. Në krye të një grupi ithtarësh që e ndjekin verbërisht dhe që ai i quan “shumica” e demokratëve, dhe të një garde të vjetruar totalisht, velur me pasuri të paligjshme, Berisha nuk është gjë tjetër veçse një “gjeneral” me shpresa të vdekura. Tani të gjithë e dinë, dhe ai vetë, se nuk është kryetar i PD, sepse brenda vendit atë nuk e njeh asnjë institucion shtetëror e politik si faktor për bashkëpunim . Po ashtu Berishën strukturat e ligjshme të PD, si dhe shumica e deputetëve nuk e pranojnë si kryetar të tyre.
Pjesa e PD që drejtohet nga Alibeaj, ia ka bërë të qartë Berishës se nuk bashkëpunon me persona “non grata”. Nga ana tjetër, Parlamenti shqiptar, jo vetëm nuk e njeh Berishën si kryetar të PD, por edhe si deputet e ka injoruar atë plotësisht, duke mos pranuar të marrë në shqyrtim në komisione dhe séanca parlamentare asnjë dokument që mban firmën e tij. Edhe ndjekësit e tij me mend në kokë, kanë ardhur duke u rralluar, dhe këtë e tregoi më së miri numri i vogël protestueseve të thirrur prej tij, përfshi edhe atë të 7 korrikut. Berishën e harruar, nëse nuk do ta vinte Basha ndër të parët në listën shumëemërore, nuk do ta kishim as deputet. Kurse faktori ndërkombëtar , si zyrtarët e lartë, ashtu dhe ish-miqtë e tij , e kanë injoruar plotësisht. Biles pas deklarimit të deputetit kristiandemokrat në parlamentin gjerman, Krichbaum, ai pritet të përjashtohet edhe nga PPE në shtator.
Berishën , as e fton e as e pret kush nga përfaqësuesit ndërkombëtarë, pasi për ata ai nuk është kryetar i PD. Pra si brenda ashtu dhe jashtë vendit, Berishën, jo vetëm që nuk njohin për kryetar të PD, po për ta ai as që ekziston fare si politikan e njeri. Berisha vazhdon të mbetet “bisht qeni” në politikën shqiptare sepse:
1-Në çdo deklarim publik ai kundërshton vetveten, duke hedhur poshtë sot, ata që thoshte dje. Në fillimet e demokracisë deklaroi se të gjithë shqiptarët do të ishin “ opozitarë, por vëllezër “ se për të kaluarën ishin të gjithë “bashkëvuajtës dhe bashkëfajtorë”. Por, sapo u konsolidua me metoda bajraktariste në krye të shtetit, u kthye në një sulltan mizor e manipulues i të gjitha pushteteve. Deri dje e ngrinte Bashën në qiell, pas përjashtimit që i bëri ky nga PD, zbrazi gjithë “thesin” e shpifjeve dhe të vërtetave për të. Po përmend këtu një rast: Kur u shemb pallati i vjehrrit të Bashës në 2013, në Vlorë, deklaroi se “Edi Rama hodhi në erë një pallat në Vlorë, të ndërtuar me leje të ligjshme , në përputhje me Planin Urbanistik të zonës, me kredi bankare dhe jo nga para të pista, të padeklaruara në asnjë bankë apo organ tatimor”. Kurse para ca ditësh kërkoi në parlament që “të hetohet pallati i familjes Basha, që nuk kanë asnjë faturë tatimore, doganore, bankare, ndërtimore.”
2–Berisha është deklaruar për shtetin ligjor, por ka qenë politikani që ka bërë presionin më të madh ndaj organeve të drejtësisë. Faktet janë të shumta, por po përmend më pikantet: E quajti Prokuroren e Përgjithshme që e vuri vetë,fillimisht Silvio Kondi, po kur ajo preku oborrin e tij, u bë ”lavire Bulevardi”, ashtu si Bamir Topin me lobime e investime të shumta e bëri President të Republikës,por dhe ky përfundoi në ” horr bulevardi.” Shembulli më i qartë, se si e ka kontrolluar ky bajraktar drejtësinë është deklarata e tij e fundit se “nuk e burgosa Fatos Nanon, se ai më la pushtetin dhe qe i burgosur një herë.” Por ama kur të merr pushtetin “nuk do ta falte Edi Ramën”! Pra ky ishte e kërkon të bëhet kryeprokuror e kryegjyqtar, që po deshi të burgos, ose të lë të lirë.
3-Në foltoret e famshme u krekos se “do të luftonte për demokracinë e brendshme”, “do të zbatonte primaret në zgjedhje”, por tërë zgjedhjet në bazë e në forumet e larta të PD i manipuloi, sa dhe për pak u fut i vetmi në garën për kryetar, por shyqyr u gjet një Ibsen që “i shpëtoi “ primaret . Ky është Sali Berisha, që foltoret dhe dy kuvendet i mbushi me militantë të verbër, primaret i përdori për tu bërë vetë kryetar që të shpëtonte nga “non grata”, dhe për të emëruar në strukturat drejtuese gardistët e vjetër që të shpëtojnë privilegjet. Në këtë realitet gjithkush mund të pyesë: ore, Sali Berisha është kryetar i PD, apo “gjeneral” i “Foltores”?… (Gazeta Sot)
