Fetnete Ramosaj

Ramosaj: Kriminelët e luftës të gjykohen në Kosovë, Serbia është tallur me të gjitha proceset gjyqësore të mbajtura në Beograd

Lidhur më kërkesën e Ministrisë së Drejtësisë në Serbi për ekstradimin në këtë shtet të Predrag Vukojeviç, tashmë i arrestuar nga autoritetet malazeze i cili është njëri prej kryerësve kryesor të masakrës ndaj civilëve shqiptar në Lybeniq të Pejës, ka reaguar ish-luftëtarja e UÇK-së, analistja e njohur dhe bashkëpunëtore profesionale në Institutin për Hulumtimin e Krimeve të Luftës Fetnete Ramosaj. Ajo ka thënë kriminelët e luftës duhen të gjykohen aty ku i kanë bërë krimet, pra në Kosovë, pasi që shteti serb vetëm është tallur më të gjitha gjykimet e deritanishme në Serbi. “Kriminelët e luftës duhet të gjykohen në vendin ku i kanë kryer krimet, pra në Kosovë, sepse Serbia deri më tani është tallur me të gjitha proceset gjyqësore të mbajtura në Beograd. Numri i shqiptarëve të vrarë në masakrën e Lybeniqit prej 1 deri më 7 prill 1999, nuk është 46, por aty janë ekzekutuar në format më të tmerrshme 112 civilë shqiptarë, 80 prej tyre nga fshati Lybeniqi Pejës, në mesin e tyre edhe foshnje e gra shtatzëna dhe të tjerët nga fshatrat Buçan, Rashiq etj. për të cilët ende s’ka drejtësi”, ka shkruar Ramosaj.

Kontrolloni gjithashtu

Rrezarta Krasniqi: Kompromiset në dëm të Kosovës kjo qeveri i ka bërë standard të politikës së jashtme

Deputetja e LDK-së, Rrezarta Krasniqi, nuk beson që do të hiqen sanksionet e vendosura nga BE-ja

Deputetja e LDK-Së, Rrezarta Krasniqi nuk besojnë që do të hiqen sanksionet e vendosura nga …