Ramush Haradinaj: Lufta e UÇK-së e solli lirinë, i dha përjetësinë shumë njerëzve, i dha përjetësinë të dashurve tanë

Ramush Haradinaj: Albin Kurti u ka premtuar ndërkombëtarëve Asociacionin në mandatin e ri qeveritar

Kryetari i AAK-së, thotë se kryeministri, Albin Kurti ka një skenar pse dëshiron të shkojë në zgjedhje por që s’do ta ndihmojë asgjë pasi, sipas tij, Vetëvendosja po bie. Kurti  e ka skenarin, shpërndarja e parlamentit dhe në kohën prej shpërndarjes ai do t’i drejtohet qytetarëve me disa dhurata sa për t’ua blerë votën, që është mashtrim dhe njëkohësisht nga frika se diaspora nuk e voton më, e ka votuar diasporën me ministren e jashtme, MPJ edhe pse i ka marrë krejt kërkesat nga KQZ, nuk i ka ndërmarrë veprimet që t’ua mundësojnë shtetasve tonë që jetojnë jashtë Kosovës, që të votojnë në ambasada apo nuk ka hapur kutinë postare që qytetarët tanë të votojnë atje për 60 centë, i ka dënuar të votojnë si herën e kaluar, nuk besoj se është vetëm rënia e votave, ka edhe shqetësime tjera. Po i lëmë se mund të jenë edhe hipotetike, por nuk është e mirë e marrëdhënieve të tij me askënd, saktëson  Haradinaj.

Ai shton se mos anëtarësimi në KiE ka qenë humbje dhe për aleatët dhe të gjitha këto humbje janë si pasojë e Kurtit.

“Unë mendoj se durimi e pasoni e toleranca ndaj tij po zvogëlohet për shkak të sjelljeve e të mashtrimeve të tij. Mos anëtarësimi në KiE s’ka qenë humbje vetëm për Kosovën por edhe për aleatët e Kosovës dhe të vetmit që kanë fituar në këtë rast janë Serbia e Rusia. KiE ka qenë dëshmi për të vazhduar edhe në NATO dhe BE. Edhe mungesa e këtyre dy opsioneve i ka shkaktuar humbje aleatëve tanë, që po luftojnë me Rusinë. Kurti i ka shkaktuar këto pasoja, këto shkojnë në emrin e tij, këto pasoja në emrin e tij kanë shkuar aq larg sa ta inkurajojnë Serbinë t’i shkruajë asamblesë parlamentare të NATO-s”, shton Haradinaj.

Sipas kreut të AAK-së, Kurti u ka premtuar ndërkombëtarëve që do ta bëjë Asociacionin dhe të gjitha që i kërkohet pas zgjedhjeve, andaj dëshiron që t’i shpallë ato.

“Po prandaj thash se po qarkullojnë zëra që Kurti u ka thënë autoriteteve të caktuara përmes emisarëve të vet, që në një mandat të ri ato që s’i ka kryer do t’i kryejë, por s’mund t’i bëjë para zgjedhjeve sepse do të jenë karta e tij kryesore zgjedhore dhe u ka thënë se do ta bëjë atë që tha edhe zonja Gërvalla, që buron nga ky premtim, që çoi dhe letër, pra buron nga premtimi i Kurtit që ka dhënë, andaj po ngutet që të shkojë në zgjedhje dhe sapo t’i kryejë i bën”, potencon ai.

Haradinaj shton se Asociacioni do të përdoret nga Kurti për të marrë votat në zgjedhje dhe më pas do ta dërgojnë draftin, siç dhe janë zotuar.

“Kurti nuk e ka hallin te partia e luftës. Unë e shoh Kurtin si ai që e bën Asociacionin sepse e kanë shkruar letrën, e ka bërë realisht. Zbatimi i tij është çështje praktike që duhet të ndodhë në një mënyrë të caktuar por Kurti u ka kërkuar ndërkombëtarëve, “ju lutem më ndihmoni të shkoj në zgjedhje i padëmtuar, t’i kryej zgjedhjet, t’i kryej punët tjera”, e kanë draftin e kanë bërë…nuk e çojnë draftin para zgjedhjeve, zonja Gërvalla thoshte në letër se e çojnë draftin në fund të majit, prandaj po iu ngutet që t’i shpallin zgjedhjet para fundit të majit, që drafti mos të shkojë para se të votohet, nëse shkojmë në zgjedhje, ai thotë se draftin e kanë të gatshëm por ua japin pas zgjedhjeve sepse iu duhet për t’i marrë votat. Kjo është situata”, deklaron Ramush Haradinaj për Blic Interview.

Kontrolloni gjithashtu

Albert Z. ZHOLI: -Shqipëria do të presë 36 mijë emigrantë kur deri dje Gjadri ishte aerodromi më sekret në Shqipëri!

Më 6 nëntor 2023 kryeministri Edi Rama dhe kryeministrja italiane Giorgia Meloni nënshkruan në Romë …