Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka reaguar pas ndarjes nga jeta të akademikut Rexhep Qosja, duke e cilësuar atë si një nga figurat më të rëndësishme të jetës akademike në vend. Haradinaj ka vlerësuar kontributin e Qosjes, veçanërisht në periudhat e vështira historike, duke theksuar angazhimin e tij në mbrojtjen e të drejtave të shqiptarëve. Sipas tij, përpjekjet e pandalshme të akademikut përbëjnë një dëshmi të qartë të rolit të tij të jashtëzakonshëm në jetën publike dhe shkencore, ndërsa ndarja nga jeta lë një boshllëk të madh në botën akademike. “Vepra, mendimi dhe trashëgimia që la pas do të mbeten përgjithmonë pjesë e kujtesës dhe historisë sonë. I përjetshëm qoftë kujtimi për akademik Rexhep Qosja”, ka shkruar Ramush Haradinaj. Reagimi i tij është pjesë e një vargu homazhesh nga personalitete politike dhe institucionale në Kosova dhe më gjerë, që po nderojnë jetën dhe veprën e një prej mendjeve më të shquara të kulturës dhe shkencës shqiptare.
