Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj ka zhvilluar një takim me ambasadorin britanik në Kosovë, Jonathan Hargreaves, ku është diskutuar për zhvillimet aktuale politike në vend dhe thellimin e marrëdhënieve bilaterale ndërmjet Kosovës dhe Mbretërisë së Bashkuar. Haradinaj ka theksuar se Mbretëria e Bashkuar mbetet një ndër aleatët më të rëndësishëm të Kosovës, duke vlerësuar mbështetjen e vazhdueshme britanike për forcimin e subjektivitetit shtetëror të vendit në arenën ndërkombëtare. Ai shtoi se proceset aktuale nëpër të cilat po kalon Kosova kërkojnë bashkëpunim të ngushtë me partnerët ndërkombëtarë, duke e cilësuar veçanërisht të rëndësishëm rolin e Londrës zyrtare. Në këtë kontekst, Haradinaj theksoi se anëtarësimi i Kosovës në NATO mbetet një domosdoshmëri strategjike për garantimin e paqes, sigurisë dhe stabilitetit afatgjatë në rajon.
