Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryeministër i koalicionit, AAK-Nisma-Konservatorët-E30, Ramush Haradinaj, ka premtuar krijimin e një Ministrie të Kategorive të Lirisë nëse fiton zgjedhjet e 9 shkurtit. Në fjalimin e tij gjatë Kuvendit të Organizatës së Veteranëve të UÇK-së në Deçan, Haradinaj kritikoi qeverinë e kryeministrit Albin Kurti për mungesë të presionit ndaj Serbisë për zbatimin e marrëveshjeve të Brukselit. Haradinaj theksoi rëndësinë e marrëdhënieve me Amerikën dhe kërkoi që Kosova të mos e ndërlidhë procesin e anëtarësimit në NATO me Serbinë. Ai shprehu vendosmërinë për të krijuar një Ministri të Kategorive të Lirisë, e cila është e domosdoshme për të përkujtuar rëndësinë e luftës për liri dhe për të mbështetur veteranët e UÇK-së. Kryetari i OVL-së në Deçan, Avdyl Mushkolaj, përkujtoi sfidat e 25 viteve për krijimin e shtetit të Kosovës, duke theksuar se rrugëtimi i tyre ka qenë i vështirë, por gjithmonë triumfues.
