Kryetari i Aleancës për Ardhmërinë e Kosovës, Ramush Haradinaj, i cili po qëndron për një vizitë disa ditore në Shtetet e Bashkuara të Amerikës, është pritur në një takim nga Ndihmës Asistenti i Sekretarit të Shtetit për Çështje të Evropës dhe Evroazisë, Gabriel Escobar, me të cilin, ka biseduar për temat e politikës së jashtme dhe sigurinë në Kosovë. Haradinaj gjatë bisedës me diplomatin amerikan, Gabriel Escobar ka shprehur përkushtim për një Marrëveshje Gjithpërfshirëse dhe të obligueshme ndërmjet Kosovës dhe Serbisë, e cila ka epilog njohjen reciproke dhe respekton integritetin, sovranitetin dhe rendin kushtetues të Republikës së Kosovës. Kryetari i AAK-së, Ramush Haradinaj ka treguar se gjatë bisedimeve i ka thënë z Escobar se kjo marrëveshje mund të arrihet vetëm me rolin aktiv të Shteteve të Bashkuara të Amerikës.
Kontrolloni gjithashtu
Sot, Shtëpinë-Muze të Radios Kosova e Lirë në fshatin Berishë, e vizitoi, një delegacion i Zvicrës nga komuna Meyrin e Gjenevës
Sot, në Shtëpinë-Muze të Radios Kosova e Lirë, në fshatin Berishë, qëndroi për një vizitë, …