Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 19 janar 1999, në fshatin Reçak, ra duke luftuar kundër forcave ushtarake dhe policore serbe komandanti i Ushtrisë Çlirimtare të Kosovës, Ahmet Kaçiku, një nga figurat më të vendosura të rezistencës së armatosur. I lindur më 15 janar 1964, Ahmet Kaçiku ishte komandant i Brigadës 162 (i emëruar në fund të nëntorit 1998 nga Shtabi i Përgjithshëm i UÇK-së), dhe ra dëshmor katër ditë pas Masakrës së Reçakut, në përpjekje për të mos lejuar forcat serbe të merrnin kufomat e 45 civilëve të vrarë e të masakruar më 15 janar 1999. Rënia e komandantit Ahmet Kaçiku në Reçak mbetet një nga kapitujt më të rëndë dhe më madhorë të historisë së luftës së UÇK-së – simbol i qëndresës, i mbrojtjes së dinjitetit njerëzor dhe i sakrificës sublime për lirinë e Kosovës. Lavdi e përjetshme dëshmorit të kombit.
