Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Propozuesi i interpelancës për gjendjen në veri, deputeti Rexhep Selimi tha se situata e sigurisë e krijuar në Kosovë, veçanërisht në veri, e ka bërë të nevojshme këtë interpelancë, ndërsa sipas tij, krijimi i një klime të pasigurt në veri duket qartë se është skenar i harmonizuar mirë ndërmjet Qeverisë së Kosovës dhe Serbisë. Selimi tha se në vend që të shuhen strukturat paralele dhe të rritet siguria, Qeveria e Kosovës arriti marrëveshje edhe për ndarje fizike të qytetit të Mitrovicës. Deputeti nga radhët e Vetëvendosjes, ndër të tjera tha se Qeveria e Kosovës ndali njërin tren, por nuk dha kurrë shpjegim për qarkullim të trenit në linjën Kralevë-Mitrovicë dhe atë pa licencë të institucioneve të vendit. Duke folur për rrënimin e murit në veri, ai tha se tash pritet të shihet se çka qëndron prapa këtij skenari. Muri prej betoni, treni, krijimi i një klime të pasigurt duket qartë se janë skenarë të harmonizuar mirë ndërmjet Qeverisë së Kosovës dhe Serbisë, përfundoi Selimi.
