RKL: Të ashtuquajturit gazetarë profesionistë të Kosovës, marrin në mbrojtje kanakaren e gazetarisë pro serbe, Jeta Xharra

I ashtuquajturi “Asociacioni i Gazetarëve Profesionistë të Kosovës”, merr në mbrojtje kanakaren e gazetarisë titiste dhe pro serbe në vendin tonë, Jeta Xharra,  e cila ka ngritur akuzë kundër drejtorit të gazetës së përditshmes, “InfoPress” dhe katër bashkëpunëtorëve, si dhe kundër disa personaliteteve me rëndësi të luftës dhe të paqes në Kosovë. Këtë akuzë e ka marrë seriozisht EULEX-i, edhe pse hetuesit dhe gjyqtarët e këtij misioni flenë qetë mbi dosjet e kriminelëve serbë, të cilët kanë kryer masakra barbare kundër shqiptarëve, gjatë luftës në vendin tonë. Kjo shoqatë e dhjetëra gazetarëve naivë, që krekosen me “profesionalizmin” e tyre është mbeturinë e ish gazetarisë së pushtuesve serbë, të cilët aktualisht janë anëtarë aktivë të Rrjetit Ballkanik të Gazetarëve, që qendër dhe ideologji të tyre kozmopolite  e kanë pasur dhe e kanë Beogradin. Këta gazetarë, në krye me pro serben e dëshmuar, Jeta Xharra, kanë “hulumtuar” të ashtuquajturat krime të UÇK-së, dhe disa prej tyre fare lehtë mund të jenë  edhe dëshmitarë të mbrojtur të Dik Martit. Aktualizimi i kësaj akuze pa bazë,  në kohën e krizës në veri të vendit, doemos se është bërë me inicimin e gazetarëve të BIRN-it, të cilët, në asnjë mënyrë dhe në asnjë rrethanë nuk përfaqësojnë gazetarinë progresive dhe liridashëse të Kosovës, por vetëm një segment të mbetjeve gazetaruce nga regjimet okupatore dhe nga kumbaria apo dashuria e dikurshme  serbo-shqiptare e bashkim vëllazërimit.


Pavarësisht se ky asociacion përbëhet vetëm nga dhjetëra emra gazetaresh, të cilët në radhë të parë kanë mungesë profesionalizmin e gazetarisë bashkëkohore, prania e deklaratave të përditshme të këtij “kruzhoku” gazetarësh në mediet me prejardhje nga e kaluara komuniste titiste është evidente, meqë mbështet ish mendjet e robëruara, ata që nuk po mësohen dot me lirinë dhe pavarësinë e Kosovës.


Gazetarët e luftës së UÇK-së, reagojnë kundër  përzierjes në politikë të letër-nxirësve, që veten e tyre e konsiderojnë profesionistë, ndërsa bashkëpunojnë me shërbimet e ndryshme sekrete në dëm të popullit dhe shtetit të Kosovës. Të tillët nuk përfaqësojnë armatën e madhe të gazetarëve Kosovës, por vetëm një segment të degjeneruar të saj.

Kontrolloni gjithashtu

Bedri Hamza është shprehet optimist se do ta fitojë garën për kryetar të Mitrovicës pa balotazh

Bedri Hamza shfaq dyshime lidhur me komunikimin e njërit prej organizatorëve të sulmit në veri të Kosovës me Mimoza Kusarin

Kryetari i Mitrovicës, Bedri Hamza, ka ngritur një zë kritik në lidhje me dialogun me …