Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori amerikan, Robert Wood, përfaqësues alternativ për Çështje të Posaçme Politike në Këshill të Sigurimit të OKB-së, gjatë diskutimit të raportit për Kosovën të Sekretarit të Përgjithshëm të OKB-së, Antonio Guterres, përveç se kërkoi shuarjen e misionit të UNMIK-ut në Kosovë, ai vërejtje pati edhe për vetë raportin. Ai tha se i bëjmë thirrje UNMIK-ut, në raportimin e ardhshëm, të mbajë një pikëpamje neutrale, për të pasqyruar më mirë paanshmërinë e UNMIK-ut”. Amerika vlerëson përpjekjet që UNMIK-u ka bërë në avancimin e dialogut ndëretnik dhe reformës së sundimit të ligjit në Kosovë, por tha se ka agjenci të tjera të OKB-së në Kosovë që e bëjnë këtë punë në mënyrë më të përshtatshme. Pas një çerek shekulli, UNMIK-u e ka tejkaluar mandatin e tij origjinal dhe Shtetet e Bashkuara i bëjnë thirrje Këshillit të rishikojë UNMIK-un në Kosovë dhe të punojë drejt perëndimit të tij. Wood gjithashtu tha se ka kërkesa shumë më të mëdha të kohës për Këshillin e Sigurimit, “siç e dimë të gjithë”, dhe tha se këto informime për Kosovën duhet të reduktohen në takime vjetore private.
