leoni

Rrahman Jasharaj

Rrahman Jasharaj thotë se gjysmëvjetori i dytë mund të fillojë me grevë të përgjithshme dhe me kohë të pacaktuar

Kryetari i Sindikatës së Bashkuar të Arsimit, të Shkencës dhe të Kulturës, Rrahman Jasharaj, ka bërë me dije se greva njëorëshe e së enjtes është alarmi i fundit për institucionet e Kosovës për realizimin e kërkesave të punëtorëve në sistemin arsimor. Ai ka thënë se gjysmëvjetori i dytë i vitit shkollor mund të fillojë me grevë të përgjithshme dhe me kohë të pacaktuar nëse nuk realizohen kërkesat e tyre. “SBAShK-u në vazhdimësi ka kundërshtuar Projektligjin për paga të cilin e ka konsideruar diskriminim për tërë sistemin arsimor. Jemi munduar që këtë çështje ta rregullojmë me dialog dhe për këtë kemi pasur takime me kryeministrin Haradinaj, me ministrin Bytyqi dhe ministrin Jagxhillar, por as ky dialog nuk i ka dhënë rezultatet e pritura. Prandaj të enjten në tërë sistemin arsimor, në çerdhe, në arsimin fillor e të mesëm, por edhe në njësitë akademike të universiteteve të Kosovës është mbajtur greva njëorëshe, së cilës i janë përgjigjur mbi 99 për qind e institucioneve arsimore. Nëse greva e së enjtes që ishte paralajmërimi i fundit nuk ndikon dhe nuk kuptohet drejt nga institucionet e Kosovës, pra nuk korrigjohet Projektligji për pagat, atëherë më 14 janar kur do të duhej të fillonte gjysmëvjetori i dytë, nuk do ta fillojmë me mësim, por me grevë të përgjithshme dhe në kohë të pacaktuar”, ka thënë Jasharaj.

Kontrolloni gjithashtu

Rrezarta Krasniqi: Kompromiset në dëm të Kosovës kjo qeveri i ka bërë standard të politikës së jashtme

Deputetja e LDK-së, Rrezarta Krasniqi, nuk beson që do të hiqen sanksionet e vendosura nga BE-ja

Deputetja e LDK-Së, Rrezarta Krasniqi nuk besojnë që do të hiqen sanksionet e vendosura nga …