Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Numri i shqiptarëve të Kosovës, të cilët aktualisht jetojnë në vendet e ndryshme të botës, vazhdon të jetë shumë i lartë në krahasim me popullatën e përgjithshme të vendit. Këtë e vërteton lista e të dhënave të Bankës Botërore, lidhur më numrin e banorëve të Kosovës që janë regjistruar si emigrantë nëpër vende të ndryshme të botës. Sipas këtyre të dhënave, në vitin 2013 numri i emigrantëve nga Kosova nëpër botë ishte 550 mijë, duke i llogaritur të tillë veten ata që janë të regjistruar. Vendin e parë në këtë listë me këta emigrantë e zë Gjermania, e cila sipas këtyre të dhënave ka 192. 941, pastaj radhitet Zvicra me 145. 882. Italia, 44 706, Sllovenia, 35. 882, Austria, 34. 706, Shtetet e Bashkuara të Amerikës, 25. 294, Franca e Suedia me nga 17.000, Britania e Madhe, 14. 706, Belgjika, 12. 941 dhe e fundit, sipas kësaj liste, rezulton të jetë Norvegjia me 8.824 emigrantë nga Kosova. Ministria e Diasporës, në kuadër të projektit “Ti je pjesë e atdheut”, gjatë tre muajve të verës ka bërë regjistrimin e pjesëtarëve të diasporës.
Ky proces pati filluar në vitin 2013 dhe po vazhdon edhe gjatë këtij viti. Pjesë e këtij regjistrimi është çdo person që ka vendbanim apo vendqëndrim jashtë Republikës së Kosovës, por që ka lindur ose ka prejardhje nga Kosova. Sipas zyrtarëve të Ministrisë së Diasporës, të dhënat e para për numrin e mërgatës së Kosovës do të shpallen në fillim të vitit 2017. Në raportin e Agjencisë së Statistikave të Kosovës (ASK), për vitin 2011, Theranda është komuna e cila kryeson për nga përqindja e popullsisë së Kosovës, që ka shkuar jashtë vendit, sipas të dhënave shihet se çdo i dyti apo i treti banor i kësaj treve është emigrant.
