Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rrjeti i Grave të Kosovës dhe Lobi për Barazi Gjinore në Kosovë përmes këtij reagimi shpreh shqetësim të thellë në lidhje me trajtimin e padrejtë dhe presionin që po i bëhet zonjës, Zahrie Podrimçaku-Subashi, Koordinatore e Njësisë Komunale për të Drejtat e Njeriut dhe Zyrtare për Barazi Gjinore (ZBGJ) dhe Mundësi të Barabarta (MB) në Drenas nga Kryetari i kësaj komune, Ramiz Lladrovci. Presioni për ta larguar e degraduar nga puna zonjë Podrimqaku-Subashi ka filluar që nga ardhja e Lladrovcit në krye të Komunës, kurse ka kulmuar në janar të këtij viti- kur ai personalisht ka thirrur atë në zyrë për t’i bërë presion që të largohet nga vendi i punës, kundërligjshëm dhe duke mos respektuar ligjet e rekrutimit dhe të transferimit. Presionin ndaj saj z. Lladrovci e ka ushtruar me qëllim që në pozitën e Podrimqaku-Subashit ta vendosë nusen e djalit të motrës së tij.
Pas mediatizmit të rastit, kryetari Lladrovci me datën 01.03.2019 merr vendim për transferim të përkohshëm të Podrimqaku-Subashit në pozitën; Shefe e shërbimeve të Kuvendit në të njëjtën kategori funksionale. Vendim ky i cili u kundërshtua nga Podrimqaku-Subashi, duke pasur për bazë ligjin Nr. 03/L-149 për Shërbimin Civil në Republikën e Kosovës. Ndër arsyet e refuzimit Podrimqaku-Subashi përmend se transferimi i saj është “i qëllimshëm, i paarsyetuar, pa afat kohor, i dhunshëm dhe i detyruar”.
RrGK dhe Lobi duke kujtuar punën dhe aktivizmin e Podrimqaku-Subashit në mbrojten e të drejtave të njeriut e me theks të veçantë të drejtat e grave, kontribut i cili prek të gjitha periudhat nëpër të cilat ka kaluar vendi, përmes këtij reagimi shpreh përkrahje të parezervë për Podrimqaku-Subashin. Për më tepër kërkon nga Komuna e Drenasit, por edhe institucionet e tjera relevante që të ndërpritet presioni ndaj Podrimqaku-Subashit dhe t’i lejohet hapësira e merituar në ushtrimin e funksionit publik në të mirë të qytetarëve, ashtu siç Podrimqaku-Subashi ka vepruar deri më tani.
