Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kompania Rajonale e Ujësjellësit “Prishtina” ka njoftuar konsumatorët për gjendjen aktuale të nivelit të ujit në liqenet akumuluese Batllavë dhe Badoc, nga të cilat furnizohet kryeqyteti dhe zonat përreth. Sipas të dhënave zyrtare, niveli i ujit në liqenin e Badocit aktualisht është 645.65 metra mbi nivelin e detit, që paraqet 4.20 metra nën kuotën maksimale të mbushjes. Ndërkaq, në liqenin e Batllavës kuota e ujit ka arritur në 633.70 metra, respektivisht 1.30 metra nën nivelin maksimal të mbushjes. Nga KRU “Prishtina” bëhet e ditur se reshjet e fundit kanë ndikuar pozitivisht në rritjen e nivelit të ujit në të dyja liqenet, me një rritje prej rreth 2.5 deri në 3 metra, duke përmirësuar ndjeshëm gjendjen hidrike. Sipas ndërmarrjes, kjo situatë krijon kushte më të favorshme për furnizim të qëndrueshëm me ujë të pijshëm në periudhën në vijim, megjithatë konsumatorët ftohen që të vazhdojnë ta përdorin ujin në mënyrë të arsyeshme dhe të përgjegjshme.
