Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dje para trupit gjykues të Gjykatës Speciale në Hagë, dëshmitari, Sadik Halitjaha, gjatë paraqitje së tij, në gjykimin që po mbahet kundër krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi ka thënë se ai është i gatshëm që të mbajë burgun në vend të Jakup Krasniqit, nëse ai ka bërë ndonjë faj. Ai ka kërkuar që ish zëdhënësi i UÇK-së, Jakup Krasniqi të lirohet. Halitjaha ka konsideruar se Jakup Krasniqi është krejt i pafajshëm, por nëse ai ka bërë faje thotë se do t’i marrë përsipër, Unë e mbaj burgun për të, ai le të shkojë në shtëpi, ka thënë Halitjaha. Realisht Jakup Krasniqi ka qenë hartues i deklaratave dhe i komunikatave të Shtabit të Përgjithshëm të UÇK-së. Zëdhënësi, thënë ndryshe është një redaktor që harton komunikata, nga tubimet e krerëve politikë e ushtarakë. Ai bën rezymenë e ndodhive dhe nuk lëshon urdhra krye në vete, por Prokuroria e Gjykatës Speciale përderisa UÇK-së e konsideron “Ndërmarrje të përbashkët kriminale” ka zgjedhur ta mbajë në paraburgim edhe zëdhënësin, Jakup Krasniqi.
