Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sindikata e Bashkuar e Arsimit, Shkencës dhe Kulturës, ka nisur mbledhjen e firmave të anëtarësisë për të përgatitur veprimet sindikale, në rast se Qeveria nuk plotëson dy kërkesat kryesore të tyre. Mësimdhënësit kërkojnë negocimin e vlerës së koeficientit të pagës për vitin 2025, si dhe nënshkrimin e kontratës kolektive. SBAShK i ka dhënë afat Ministrisë së Arsimit deri më 10 nëntor për të ndërmarrë veprimet e nevojshme, përndryshe sindikata kërcënon me grevë. Ministria e Arsimit vlerëson se veprimet e SBAShK po shkaktojnë përçarje midis mësimdhënësve dhe thekson se çështja e koeficientit është e rregulluar me ligj. Për sa i përket kontratës kolektive, ministria ka bërë të ditur se nuk do të nënshkruajë asnjë marrëveshje gjatë fushatës zgjedhore, duke sugjeruar që këto çështje të diskutohen në kuadër të BSPK-së dhe Këshillit Ekonomik Social, kur të krijohen kushtet e përshtatshme ligjore.
