Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli Drejtues i SBASHK-ut ka mbajtur sot mbledhjen e radhës, ku krye tema ishte mungesa e teksteve shkollore, problem që po përsëritet edhe këtë vit, sidomos në klasat VI deri IX. Raportohet se librat e shpërndarë janë të pamjaftueshëm, ndërsa shumë prej tyre janë të dëmtuar dhe të papërdorshëm. Në mbledhje u ngrit edhe shqetësimi për mos formimin e Kuvendit dhe të Qeverisë së Kosovës, vonesa që, sipas sindikatës, po dëmtojnë procesin arsimor dhe zgjidhjen e kërkesave të punëtorëve të arsimit. SBASHK-u ka paralajmëruar se nëse nuk ka gatishmëri për dialog dhe rezultate konkrete, do të nisë veprime sindikale, duke mos përjashtuar as grevën e përgjithshme. Këshilli vendosi gjithashtu që udhëheqësit sindikalë që kandidojnë në zgjedhjet komunale të 12 tetorit të dorë hiqen nga funksionet deri në përfundim të procesit zgjedhor.
