Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Seanca e parë gjyqësore për katër aktivistët e Lëvizjes Vetëvendosje që akuzohen për terrorizëm nuk ka kaluar pa tensione mes të akuzuarve dhe mbrojtësve në njërën anë dhe prokurorit në anën tjetër. Derisa i akuzuari Frashër Krasniqi tha se aktakuza ndaj tij dhe tre aktivistëve tjerë është politike dhe e montuar, prokurori i çështjes Abdurrahim Islami e mohoi këtë. Zëdhënësi i Vetëvendosjes pati përplasje verbale edhe me kryetarin e Trupi Gjykues, Beqir Kalludra, pasi që Frashër Krasniqi nuk përgjigjej me Po ose Jo në pyetjen e gjyqtarit nëse e pranon fajësinë apo jo, por dëshironte të shpjegonte këtë. Pas deklarimit të të gjithë të akuzuarve, avokatët mbrojtës kërkuan nga kryetari i trupit gjykues që klientëve të tyre t’iu hiqet masa e arrestit shtëpiak dhe t’iu zëvendësohet me masë tjetër, por kjo është refuzuar nga gjyqtari Beqir Kalludra.
