Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot shënohet 22-vjetori i Betejës së Jezercit, njëra ndër betejat më heroike të luftës së UÇK-së në Zonën Operative të Neredimës. 28 shtatori i vitit 1998, për luftën e UÇK-së shënon ditën e zhvillimit të një beteje të përgjakshme në këtë zonë. Atë ditë ishte angazhuar në mbrojtje të Zonës tërë efektivi ushtarak i përbërë prej rreth 400 luftëtarësh dhe i pajisur me armatim të lehtë, i cili luftonte kundër një ushtrie me mijëra forca ushtarake e policore serbe dhe me armatim të rëndë të këmbësorisë dhe të artilerisë.
Në atë betejë të ashpër, në Pikën e Pestë mbrojtëse, kishte rënë heroikisht në fushën e nderit ushtari i UÇK-së, Lulëzim Guta, si dhe bashkëluftëtarët e tij: Arsim Zeqiri dhe Sali Baliu në Pikën e Gjashtë, Gursel Sylejmani në Pikën e Tretë, Sejdi Sejdiu, Bashkim Vishi dhe Nazim Terziu në Pikën e Dytë, ndërsa, Bajram Sylejmani dhe Kemajl Hetemi në pikën e Parë. Gjatë luftimeve ballë për ballë janë vrarë edhe shumë ushtarë e policë serbë, ndërsa kanë marrë plagë-lirie edhe shumë ushtarë të UÇK-së.
