Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Kuvendit të Kosovës nga radhët e LDK-së, Shpejtim Bulliqi, ka deklaruar se çështja e demarkacionit nuk mund të vihet për shqyrtim drejtpërsëdrejti, në Kuvend, pa kaluar paraprakisht në komisionet parlamentare. Ai ka thënë se tek pastaj mund të futet si pikë e rendit të ditës në Kuvend. Ka dilema shume të mëdha te një numër i madh i deputetëve tek opozita edhe brenda pozitës, por edhe te LDK-ja edhe PDK-ja. Ne jemi të pakënaqur me punën e komisionit për demarkacion për shkak qe nuk ka marrë parasysh krejt faktet që tregojnë për vijën kufitare me Malin e Zi. Qeveria e Kosovës ka pasur kohë të mjaftueshme që të merret dhe ta qartësojë këtë problematikë. Pse nuk e ka bërë një gjë të tillë unë nuk e di dhe nuk jam kompetent, por e di se Kosova tashme për liberalizim ka dy kushte: luftimin e korrupsionit dhe demarkacionin. “Çka është e çuditshme është që askush nuk flet për luftimin e korrupsionit, mirëpo e gjithë vëmendja është drejtuar tek demarkacioni”, ka saktësuar Bulliqi.
