Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Për nder të 28 Nëntorit, Ditës së Flamurit dhe ditëlindjes së komandantit legjendar Adem Jasharit, shumë shqiptarë nga Kosova dhe prej diasporës kanë vizituar kompleksin memorial në Prekaz. Numër i madh i qytetarëve kanë ardhur edhe nga Shqipëria e Maqedonia, të cilët bashkë me familjet e tyre, vizituan çdo pjesë memoriale të Jasharajve. Sipas tyre, fëmijët duhet të dinë për luftën e lavdishme të UCK-së në krye me komandantin Adem Jashari, dhe për sakrificën e rezistencën që bëri kjo familje. Ani pse sot në Prekaz po shënohen temperatura mjaft të ulëta, moti i ftohtë nuk i pengoi ata që 28 Nëntorin ta festojnë në vendin që konsiderohet i lavdishëm për kombin shqiptar dhe për forcat demokratike përparimtare të botës.
