Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministrja e Skocisë dhe drejtuesja e SNP, Nicola Sturgon, ka mbështetur marshin duke thënë se po afrohet pavarësia. “Nuk mund të isha fizikisht me ju, por do të jem shpirt. Ne nuk kemi dyshim se po i afrohemi pavarësisë, “u përgjigj në një ‘cicërimë’ kryeministrja Sturgon, e cila kundërshtoi Brexit. Sipas medieve, Sturgeon planifikon të mbajë një referendum për pavarësinë e Skocisë brenda dy vjetësh pas daljes së Britanisë së Madhe nga BE. Kryeministrja e Skocisë ka hedhur një sërë akuzash ndaj kryeministrit të Britanisë së Madhe Boris Xhonson për përpjekje për të tërhequr vendin nga BE pa një marrëveshje. “Pozicioni themelor skocez është i qartë. Propozimet e Johnson do të na nxjerrin pa vullnetin tonë nga BE, tregu i vetëm dhe bashkimi doganor,” tha ajo. Në referendumin e parë për pavarësinë e Skocisë më 2014, pothuajse 55 për qind e votuesve ishin deklaruar kundër shkëputjes nga Britania e Madhe.
