Sot mbahet ceremonia e varrimit të Rifat Stojkajt, drejtorit të Bujqësisë në komunën e Deçanit

12/05/2026 Institucionet

Sot do të varroset Rifat Stojkaj, drejtor i Bujqësisë në komunën e Deçanit.

Stojkaj, 35-vjeçar ndërroi jetë pas një vetëaksidenti të trafikut, duke lënë të pikëlluar përgjithmonë familjarët e tij.

Sipas njoftimit të familjarëve, ceremonia e varrimit do të mbahet nga ora 17:00 në varrezat e fshatit Lloqan, ndërsa nga ora 15:00, komuna e Deçanit do të organizojë mbledhje komemorative.

Në njoftimin e komunës së Deçanit thuhet:

Me pikëllim të thellë morëm lajmin për ndarjen e parakohshme nga jeta të kolegut tonë, drejtorit të Bujqësisë, Rifat Stojkaj.

Rifati ishte një njeri i urtë, punëtor, i afërt me qytetarët dhe gjithmonë i gatshëm për të dhënë më të mirën për komunën tonë. Ai la gjurmë të pashlyeshme tek të gjithë ne që patëm fatin ta njohim dhe të bashkëpunojmë me të.

Humbja e tij është e rëndë për familjen, miqtë, bashkëpunëtorët dhe për gjithë komunën tonë.

Në këto momente të vështira, shprehim ngushëllimet më të sinqerta për familjen Stojkaj, miqtë dhe gjithë ata që e deshën dhe e vlerësuan Rifatin.

Prehu në paqe, miku ynë.

Kujtimi dhe vepra jote do të jetojnë gjithmonë mes nesh.

Kontrolloni gjithashtu

Kuvendi i Komunës së Rahovecit, mbajti mbledhjën e shtatë të rregullt për vitin 2026

Nën udhëheqjen e Kryesuesit të Kuvendit komunal të Rahovecit, z. Fatmir Iska, u zhvillua mbledhja …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara