Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe sot, në ditën e dytë, po i vazhdon punimet Seminari i 93-të Rose-Roth i Asamblesë Parlamentare të NATO-s, në Prishtinë. Në mesin e shumë personaliteteve do të flas edhe kryetari i Kosovës, Hashim Thaçi. Në takimin treditor po diskutohet për perspektivën e Kosovës në marrëdhëniet me Bashkimin Evropian dhe rolin evolues të NATO-s në rajon, që pason Samitin e Aleatëve të Krerëve të Shteteve dhe të Qeverive, të mbajtur në muajin korrik, në Varshavë. Seminari i ka filluar punimet dje dhe është organizuar në bashkëpunim me Kuvendin e Kosovës nën udhëheqjen e kryetarit të Delegacionit të Kuvendit të Kosovës në AP të NATO-s, Xhavit Haliti dhe me përkrahjen e Qeverisë zvicerane, ndërsa po marrin pjesë më shumë se 100 pjesëmarrës, duke përfshirë 70 deputetë nga 21 vendet anëtare të NATO-s dhe vendet partnere.
