Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në fshatin Petrovë të komunës së Shtimes, u zbulua pllaka përkujtimore e luftëtarit të NDSH-së, Isuf Muharremi, i cili me bashkëluftëtarët e tij ka rënë duke luftuar kundër ushtrisë jugosllave mbi Hoqë të Qytetit të Prizrenit në fshatin Bilushë, më 8 gusht të vitit 1946. Me këtë rast u mbajt edhe një aktivitet përkujtimor. Para të pranishme u lexua shkrimi i profesor Ahmet Qeriqit për jetën dhe veprën atdhetare të vëllezërve, Isuf e Hajdar Muharremi dhe bashkëluftëtarëve të tyre. Më pas Prof. Dr. Sabit Syla pasqyroi aktivitetin atdhetar të NDSH-së dhe të familjes Hysenaj. Në vazhdim të aktiviteteve mbajtën nga një fjalë rasti edhe kryetari i komunës së Shtimes z. Qmeajl Aliu, kryetari i fshatit Petrovë, Alban Rashiti, përfaqësuesi i Ballit Kombëtar Gazmend Islami, ndërsa në emër të familjes së Isuf dhe Hajdar Muharremit të pranishmit i përshëndeti, Sadik Hysenaj. Manifestimi u përmbyll me pjesën artistike.
