Në Ferizaj u hap Panairi i Bizneseve Artizanale

28/07/2026 Institucionet

Nën organizimin e Drejtorisë për Zhvillim Ekonomik dhe Turizëm të Komunës së Ferizajt, sot u hap zyrtarisht Panairi i Bizneseve Artizanale, një ngjarje që synon promovimin e punës së dorës, trashëgimisë kulturore dhe bizneseve të vogla vendore.

Hapjen e këtij panairi, i cili do të zgjasë pesë ditë, e vizitoi nga afër drejtori i Zhvillimit Ekonomik dhe Turizmit, Balton Dërguti. Ai u ndal në stendat e bizneseve pjesëmarrëse për t’i përgëzuar artizanët për punën e tyre dhe për t’u ofruar mbështetjen e vazhdueshme të institucioneve komunale.

Në ceremoninë e hapjes morën pjesë edhe personalitete të tjera, ndër ta deputeti i Kuvendit të Kosovës, Elmi Reçica, asamblistë të Kuvendit Komunal të Ferizajt, drejtues të shoqatës “Handikos” si dhe zyrtarë të tjerë komunalë.

Kontrolloni gjithashtu

Vitia mirëpret edicionin e pestë të Festivalit Ndërkombëtar të Folklorit “N’Karadak Krisin Tupanat”

Sot, në Viti, u mbajt tryeza e rrumbullakët dhe ceremonia solemne e hapjes së edicionit …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara