MIT
Airport Adem Jashari
kek
Fillimi / Lajmet / Sot varroset trupi i veprimtarit, atdhetarit dhe luftëtari i lirisë, Rilind Bytyçi
Sot varroset trupi i veprimtarit, atdhetarit dhe luftëtari i lirisë, Rilind Bytyçi

Sot varroset trupi i veprimtarit, atdhetarit dhe luftëtari i lirisë, Rilind Bytyçi

Ka ndërruar jetë ish-luftëtari i lirisë Rilind Bytyçi, lajmin e ka bërë të ditur djali i tij, Ilirian Bytyqi. Ai ka njoftuar se më 26 qershor, 2019, në ora 18:30 babai i tij, Rilind Bytyçi ka ndërruar jetë. Akademia  për nder jetës së veprimtarit dhe luftëtarit të lirisë, Rilind Bytyçi do të mbahet sot në orën 12:00, te Biblioteka e Re, në Therandë. Varrimi i trupit të tij  do të bëhet në fshatin Studençan në orën 14:00, duke filluar me një homazh tek lapidari i dëshmorëve në Studençan. Rilind Bytyçi ishte veprimtar i njohur i Lëvizjes Kombëtare, i cili i ka dhënë një kontribut të çmuar kombit e atdheut.

Qysh i ri në moshën 24 vjeçare, në vitin 1963 ishte largua nga fshati Studenqan i Therandës dhe qe  vendosur,  në Melburn të Australisë ku edhe filloi aktivitetin e tij kombëtar në Shoqërinë, “Bajram Curri”, Për 27 vjet  me radhë ishte sekretar i kësaj shoqërie dhe u shqua në organizimin e protestave kundër regjimit serb, duke kërkuar të drejtat e shqiptarëve të robëruar në ish Jugosllavinë e asaj kohe.

Në muajin prill të vitit 1999, niset  nga Australia dhe vjen në Shqipëri, me qëllim për të luftuar lundër regjimit gjakatar serbe dhe për çlirimin e Kosovës nga robëria shekullore. Fillimisht vendoset në Qendrën Stërvitore në Feken të Dajtit,  më pas në Majen e Pashtrikut, në Operacionin “Shigjeta” në Drejtimin taktik nr. 2.  Pas çlirimit të Kosovës, disa muaj më vonë ai u kthye në Australi për ta marrë familjen dhe u kthye në vendlindjen e tij, në Studenqan, ku edhe ndërtoi një shtëpi për familjen në Kosovën e lirë, për të cilën ishte angazhuar gjatë tërë jetës. Në vitet e fundit,  gjendja e tij shëndetësore filloi të keqësohej. Vdiq më 26 qershor të vitit 2019.

Kontrolloni gjithashtu

LDK dhe Vetëvendosje thonë se paratë për autostradën e Dukagjinit do të ridestinohen, AAK thotë autostrada do të ndërtohet

LDK dhe VV thonë se paratë për autostradën e Dukagjinit do të ridestinohen, AAK thotë autostrada do të bëhet

Lidhja Demokratike e Kosovës dhe Lëvizja Vetëvendosje janë shprehur kundër ndërtimit që Autostradës së Dukagjinit. ...