Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Statuja e ish-kryeministrit të Britanisë së Madhe, Tony Blair do të inaugurohet sot në Ferizaj. Ajo ka një vit që është planifikuar dhe është financuar nga banorët, biznese e diaspora. Ky aktivitet pritet të mbledh emra të njohur për opinionin publik. Fondacioni “Ne kujtojmë Tony Blairin” është bartës dhe organizues i tërë projektit mbi ngritjen e shtatores së Tony Blair-it dhe organizimin e tubimit Inaugurues sot në Sheshin “Tony Blair” në Ferizaj, duke filluar nga ora 14:00. Më shumë se 13,000 shqiptarë të Kosovës i vranë serbët, në luftën e viteve 1998-1999. Tony Blair, i cili ishte kryeministër i Britanisë nga viti 1997 deri në vitin 2007, mbështeti bombardimet e NATO-s ndaj Serbisë për ta detyruar atë të tërhiqej nga Kosova.
