Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia e Kosovës ka njoftuar se shpërthimi në ndërtesën e Kuvendit të Kosovës, është sulm ndaj Kuvendit. Sipas Policisë së Kosovës sulmi është bërë me një mjet të dyshuar shpërthyes.
“Me 04.08.2016 rreth orës 23:00, në ndërtesën e Kuvendit të Kosoves, në rrugën Agim Ramadani në Prishtinë, nga distanca ka ndodhur një sulm me një mjet të dyshuar shpërthyes. Si pasojë janë shkaktuar dëme materiale, por nuk raportohet për të lënduar në njerëz. Policia e Kosovës me njesitet relevante të saj menjëher ka reaguar në lokacion dhe veprime intensive operative dhe hetimore janë duke u kryer për të identifikuar të dyshuarit e involvuar në rast”, thuhet në njoftimin e Policisë.
Ndërkohë nuk është raportuar për të lënduar.
Në vendin e ngjarjes ku edhe ka ndodhur një shpërthim brenda Kuvendit të Kosovës kanë arritur edhe ushtarë të KFOR-it.
