Talibanët do të zhvillojnë takim me zyrtarët amerikanë më 17 dhjetor, lidhur me arritjen e paqes në Afganistan

Talibanët do të zhvillojnë takim me zyrtarët amerikanë më 17 dhjetor, lidhur me arritjen e paqes në Afganistan

Autoritetet e larta të luftëtarëve talibanë kanë thënë se do të zhvillojnë “një tjetër” takim me zyrtarët amerikanë më 17 dhjetor, kësaj here në Emiratet e Bashkuara Arabe, në tentim të negociimit të përfundimit të luftës 17 vjeçare në Afganistan. Zëdhënësi i talibanëve, Zabihullah Mujahid ka thënë se pjesë e takimit do të jenë edhe përfaqësuesit sauditë, pakistanezë dhe ata nga Emiratet e Bashkuara, mirëpo nuk ka dhënë detaje shtesë. Uashingtoni zyrtar as nuk i ka mohuar dhe as i ka konfirmuar takimet e mëparshme me talibanët. Përfaqësuesi amerikan për paqe, Zalmai Halilzad ka thënë më parë se ka mbajtur një varg takimesh me të gjithë afganët e përfshirë në konflikt, referencë e cila përfshin edhe talibanët, të cilët kontrollojnë apo kanë ndikim në pothuajse gjysmën e Afganistanit.

Në një deklaratë të publikuar muajin e kaluar, talibanët kanë thënë të jenë takuar tre ditë radhazi me Khalilzad në Katar. Më pas, Khalilzad është kthyer në Kabul, me ç’rast i ka bërë thirrje presidentit afgan, Ashraf Ghani për të krijuar një grup që do të mund të bisedonte me talibanët. Shtetet e Bashkuara kanë shpenzuar 1 trilion dollarë në Afganistan, prej kur koalicioni i udhëhequr nga SHBA-ja ka rrëzuar talibanët nga pushteti më 2001. Kjo njëherësh njihet edhe si lufta më e gjatë e Amerikës.

Kontrolloni gjithashtu

Diplomatët e Rusisë dështuan në përpjekjet e tyre në KS të OKB-së për të diskutuar bombardimet e NATO-s në Kosovë në vitin 1999

Diplomatët e Rusisë kanë  dështuar  në përpjekjet e tyre  në KS  të OKB-së për të …