Të fuqizohet roli i gruas në Institucione

12/05/2016 Institucionet

Deputetet e Kuvendit të Kosovës, Blerta Deliu, Sala Berisha dhe deputete te tjera kishin një takim me Grupin e grave asambleiste të Mitrovicës.

Pjesë e këtij takimi ishte edhe kryetari i  Komunës së Mitrovicës, Agim Bahtiri dhe gratë ansambleiste të komunës së Skenderajt.

Kryesuesja e Grupit të grave asambleiste të Mitrovicës, Ajnishahe Haziri, duke hapur takimin foli për aktivitetet e ndërmarra nga gratë ansambleiste dhe  rëndësinë e angazhimit të asambleisteve të reja në avancimin e pozitës së gruas.

Kryetari Bahtiri  ka thënë  se gratë kanë qenë pjesë e proceseve  dhe vendimeve më të rëndësishme të shtetndërtimit tonë, prandaj duhet të fuqizohet roli i gruas në shoqëri, fuqizimi i gruas ndikon edhe në zvogëlimin e papunësisë dhe duhet të jemi në hap me shtetet evropiane në përkrahje të fuqizimit të gruas.

Besa Veseli nga zyra për barazi gjinore në komunën e Mitrovicës i  njoftoi të pranishmet me angazhimin e deputeteve që legjislacioni të shikohet nga perspektiva gjinore. Janë disa ligje, si: Ligji për barazinë gjinore, Ligji kundër diskriminimit, Ligji për familjen etj, të cilët lidhen me të drejtat dhe interesin e gruas.

Kryetarja e Grupit të grave deputete, Blerta Deliu-Kodra ka thënë se gjinia femërore çdo ditë e më shumë po bëhet më e përgatitur për të marrë përgjegjësi të reja në pozicione të rëndësishme por, sipas saj, ende ka probleme për avancimin e perspektivës gjinore në Kosovë. Ajo që mbetet ende shqetësuese është se gratë janë ato të cilat, në raport me burrat qëndrojnë shumë ulët në ranglistat e punësimit të Agjencisë së Statistikave të Kosovës, sidomos në nivelin lokal.

Deputetja Sala Berisha tha se me gjithë angazhimin e madh të grave, përfshirja e tyre në institucione është ende e vogël, sidomos në pozita  të rëndësishme udhëheqëse dhe  se barazia gjinore është e drejtë njerëzore e garantuar edhe me Kushtetutën e Kosovës, por ka ngecje  në avancimin e pozitës së gruas në nivelin lokal.

Kryesuesja e Grupt të grave të Mitrovicës, Ajnishahe Haziri  tha se në Komunën e Mitrovicës ka avancim të pozitës së grave dhe tani ato zënë  rreth 40% të punësimit në Komunë.

Në fund, të gjitha deputetet dhe grat asambleiste  së bashku me kryetarin Bahtiri vizituan fabrikën e kepurdhave “Hirano Mushroom” e cila pritet të hapet shumë shpejt në Mitrovice .

Kontrolloni gjithashtu

Kryetari Haliti mbledh Këshillin e Drejtorëve, kërkon mobilizim të plotë pas paralajmërimeve për përkeqësim të motit

Nën kryesimin e kryetarit të Komunës së Vitisë, Sokol Haliti, sot është mbajtur mbledhja e …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara