Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Organizatës Botërore të Shëndetësisë, Tedros Adhanom Ghebreyesus ka alarmuar se sistemi shëndetësor i Gazës është gjunjëzuar. Ai ka theksuar më tutje se ndikimi i konfliktit në shëndetësi, është katastrofik dhe se sistemi shëndetësor i Gazës është në gjunjë dhe po shembet. Shefi i Organizatës Botërore të Shëndetësisë, Tedros Adhanom Ghebreyesus veprimet izraelite për të detyruar palestinezët në një zonë gjithnjë e më të vogël po krijojnë kushtet ideale për përhapjen e sëmundjes. “Ka vetëm një dush për çdo 750 njerëz dhe një tualet për çdo 150. 14 spitale nga 36 (në Rripin e Gazës) janë edhe pjesërisht funksionalë, prej tyre dy në veri dhe 12 në jug. Kushtet për punonjësit e shëndetësisë – të cilat tashmë ishin shumë të vështira në 2018 – janë “të pamundura dhe ata janë drejtpërdrejt në vijën e pushkatimit” ka deklaruar në Gjenevë, shefi i Organizatës Botërore të Shëndetësisë, Tedros Adhanom Ghebreyesus. Radio Evropa e Lirë citon atë të ketë thënë më tutje se Organizata Botërore e Shëndetësisë ka regjistruar 449 sulme ndaj kujdesit shëndetësor në Gaza dhe Bregun Perëndimor që nga fillimi i këtij konflikti më 7 tetor – dhe 60 në Izrael.
